Ali Lajçi: Qytetarët duhet t’ia japin shansin VV-së

22:44 | 23 Maj 2017
Arbresh.info

Kandidati për deputet nga radhët e Lëvizjes Vetëvendosje!, Ali Lajçi, ka bërë me dije se është bashkuar me këtë parti për shkak të programit qeverisës.

Ai ka thënë se Vetëvendosja! e ka programin më të mirë nga të gjitha partitë e tjera politike.

Në këtë intervistë dhënë për gazetën “Epoka e re”, Lajçi ka vlerësuar se Kosova ka nevojë për një model të ri të qeverisjes. Ai ka theksuar se më 11 qershor qytetarët duhet t’ia japin shansin Vetëvendosje!-s.

Në këtë kontekst, Lajçi ka thënë se Lëvizja Vetëvendosje! është i vetmi subjekt që do të qeverisë ndryshe kurse të tjerët, sipas tij, janë vetëm përsëritje e qeverisjes që ka ekzistuar tash e 17 vjet. Pavarësisht se në garën zgjedhore janë dy koalicione të mëdha, Lajçi ka thënë se trendi po shkon drejt ndryshimeve, meqë populli nuk është i interesuar ta përsërisë qeverisjen e deritashme./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm